Театар за деца и младинци
Menu
Убавицата и ѕверот
Убавицата и ѕверот
  • Poster:
    Poster
  • 200

  • ден.

  • Купи билет:
  • Reæija:
    Димитар Христов
  • Avtor:
    Игор Бојовиќ
  • Scenografija:
    Александар Ношпал
  • Kostimografija:
    Александар Ношпал
  • Muzika:
    Славе Димитров
  • Koreografija:

    Александар Хаџиманов

    Prevod i prepev:

    Петре М. Андреевски

    Lektor:

    Јелица Инадевска

  • Igraat:
    Ана Левајковиќ-Бошков
    Татјана Павловска Кочовска
    Владимир Лазовски
    Драган Довлев
    Катарина Илиевска-Силјановска
    Предраг Павловски
  • Godina:
    1998
  • Vremetraewe:
    46 минути

Еден од најдобрите и најчесто поставуваните драмски текстови на младиот српски драмски писател за деца Игор Бојовиќ, во 1998 година доживеа премиера во нашиот театар. УБАВИЦАТА И ЅВЕРОТ е првата детска претстава која го надмина бројот од 300 изведби.

Суровиот и себичен принц е казнет од Злобницата Волшебница, која го претвора во ѕвер. Зарем не е така и во животот? Зарем малку сурови луѓе со тек на време станале вистински ѕверови? Само убавината, добрината и љубовта го прават она што изгледа невозможно – суровоста да се претвори во човечност. Оѕверениот ѕвер, одглумен од незаменливиот Владимир Лазовски, многу брзо ќе ја засака најубавата меѓу најубавите т.е. Убавицата, претставена од прекрасната Ана Левајковиќ-Бошков. Но, за да биде симната клетвата на Злобницата Волшебница, оригинално и енергично одиграна од Катарина Илиевска-Силјановска, ќе мора и Убавицата да го засака Ѕверот. Ова се чини како невозможна мисија, доколку Ѕверот не добие неопходна помош од неговата помошничка наречена Скакулка, лик кој со маестрална леснотија и интеракција на сцената го донесе актерката Татјана Павловска Кочовска. За нејзината актерска бравурозност зборува и меѓународната актерска награда што за оваа улога таа ја има освоено на Суботичкиот Фестивал во 1998 год.

Дали Убавицата ќе се заљуби во Ѕверот и дали тој конечно ќе си го врати човечкиот лик, останува на Вас да откриете. И покрај тоа што генерации и генерации на деца израснале со оваа претстава, се уште е една од најпосетуваните наши претстави.

Tekovni proekti

  • Мачорот во чизми
  • Снежната кралица