Театар за деца и младинци
Menu
Бајка за Царот Нај
Бајка за Царот Нај
  • Poster:
    Poster
  • 200

  • ден.

  • Купи билет:
  • Reæija:
    Коле Ангеловски
  • Avtor:
    Снежана Иљовска Наумовска
  • Scenografija:
    Илина Ангеловска
  • Kostimografija:
    Розе Трајческа Ристовска
  • Muzika:
    Љупчо Мирковски
  • Igraat:
    Бојан Кирковски
    Катарина Илиевска Силјановска
    Ненад Митевски
    Емра Куртишова
    Симона Спировска
    Винета Дамческа
    Мики Анчевски
    Мартин Јорданоски
  • Godina:
    2014
  • Vremetraewe:
    55 минути

Во една далечна земја живеел добар, мудар, силен, млад и убав цар. Но, тој наместо да зборува рикал како лав и кај луѓето предизвикувал страв. За да најде лек за својата мана царот патувал години седум низ триесет и три земји редум. По пат наидувал на чудесни предели, ама и на непрегледни пустини, непроодни планини и реки; среќавал чудни луѓе и уште почудни животни. Откако поминал и низ Земјите на Темнината, на Лалињата, на Криновите, на Џиновите и побегнал од Земјата на Дебелковците, пристигнал во Земјата на Модрите Луѓе. Таму, страшниот црвен змеј паднал мртов кога ја чул неговата рика и во тој миг царот проговорил со човечки глас.

Дочекот на царот во неговото царство бил величествен. Десет дена сите ѕвона без престан ѕвонеле и насекаде одекнувале радосни извици:

- Да живее нашиот цар “Нај”!

А тој пак често се сеќавал на зборовите на Желбаш од прекрасната земја Желбадаж и на Вилдон, царот на сите вилимени: “Добрина во срцето имај ти, патот пред тебе ќе се отвори” и “Среќа тебе даде – среќа мене иде”.

Среќата им се насмевнува на оние кои имаат добрина во срцето и кои таа добрина ја подаруваат на другите. Така, по извесно време пред царот одненадеж се појавила девојката Сончев Цвет која ја сретнал и во која се вљубил на почетокот на патувањето.

А што се случило потоа? Досега не се чуло за поубава, пораскошна и повесела свадба од таа на Сончев Цвет и Царот Нај.

Tekovni proekti

  • Мачорот во чизми
  • Снежната кралица