Девојчето со кибритчињата

  • Сцена: Детска
  • Времетраење: 52 минути
  • Премиера: 17.12.2008
  • Возраст: 5+

Режија: Боњо Лунгов
Автор: Ханс Кристијан Андерсен

У ште една светски позната бајка на Ханс Кристијан Андерсен. Тажната приказна за девојчето со кибритчиња, кое измрзнато од студот упорно се обидува да продаде некое кибритче со што би заработила малку пари, неопходни за неа и нејзиниот татко, мајсторот на куклениот театар проф. Боњо Лунгов успеа да ја освежи со многу хумор и интересни досетки. Така нашата претстава е многу интересна за гледање и пратење, без страв дека детските срца ќе се натажат до несакани размери. Бајковитоста на сценографијата, костимите, куклите и музиката само го комплетира вкупниот впечаток. Фасцинира добрината на девојчето, кое расте и живее во многу сурово време и сурова средина, која нема обзири и спрема децата. Ана Левајковиќ-Бошков е брилијантна во улогата на Девојчето, а помошта што ја добива од остатокот на екипата е ненадоместлива.

И покрај стравот на многу светски детски театри да ја постават на својата сцена оваа тажна бајка, Театарот за деца и младинци собра храброст и го реализира овој ризичен проект. Сигурни сме дека откако ќе ја изгледате оваа претстава, ќе им се придружите на оние коишто тврдат дека ризикот се исплатил.

Асистенти:

Маја Енчева и Константин Каракостов

Драматизација:

Маја Енчева

Сценографија:

Дилијана Прванова

Костимографија:

Дилијана Прванова

Музика:

Константин Каракостов

Месечен репертоар

Мај 2019
П В С Ч П С Н
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Маркетинг